Huawei සමාගම විසින් ඡායාරූපකරණය ම ඉලක්ක කරගෙන නිකුත් කරන ලද P (Photography) ජංගම දුරකථන මාලාව ඔවුන්ගේ P60 ජංගම දුරකථන පෙළ නිකුත් කිරීමත් සමඟ අවසන් කර තිබෙනවා. ඒ අනුව අප්‍රේල් මාසයේ මුල් භාගයේ නිකුත් කිරීමට තිබූ Huawei P70 ජංගම දුරකථන මාලාව Huawei P70 ලෙස නොව Huawei Pura 70 ලෙස නව නාමකරණයක් යටතේ නිකුත් කරන බව ඔවුන්ගේ පූර්ව ප්‍රචාරක වීඩියෝපට මඟින් ප්‍රදර්ශනය කර ඇත. එසේ ම නිකුත්වීමට නියමිත Huawei Pura 70 දුරකථන මාලාවේ පිටුපස කැමරා සැලසුම බොහෝ විට ත්‍රිකෝණාකාර හැඩයකට නිර්මාණය වන බවට ද එම පූර්ව ප්‍රචාරක වීඩියෝපට මඟින් පුරෝකථනයක් ඉදිරිපත් කරන බව ද දක්නට ලැබේ. බොහෝ දුරට මෙම Pura 70 දුරකතන මාලාව Huawei Pura 70, Pura 70 Pro, Pura 70 Art වශයෙන් තුන් ආකාරයකට නිකුත්විය හැකි ය. මෙම දුරකථන මාලාව කරුණු 5ක් ඉලක්ක කරගෙන නිර්මාණය කරන බව ඔවුන්ගේ පූර්ව ප්‍රචාරක වීඩියෝව නිරීක්ෂණය කිරීමේ දී පෙනී යන කරුණකි. ඒ අනුව passion, purity, style, creativity, and classic යන තේමා අරමුණු කරගනිමින් Huawei Pura 70 දුරකථන මාලාව නිර්මාණය කර ඇත.
 | ||||||||||||||||||||
No comments:
Post a Comment